Abstract
<jats:p>Tarqoq skleroz (TS) — markaziy asab tizimining surunkali autoimmun kasalligi bo‘lib, unda immun tizimi miyelin qobig‘iga zarar yetkazadi. Kasallik turli klinik shakllarda kechadi: qaytalanuvchi-remissiyali, ikkilamchi progressiv va birlamchi progressiv. Tarqoq sklerozning bosqichiga qarab davolash strategiyasi farqlanadi. O‘tkir xurujlar uchun yuqori dozali kortikosteroidlar qo‘llanadi, kasallikni modifikatsiya qiluvchi terapiyalar (DMT) esa xurujlar sonini kamaytiradi. Progressiv shakllarda B-hujayralarga yo‘naltirilgan terapiya va maqsadli immunoterapiya samarali hisoblanadi. Har bir dori guruhi ta’sir mexanizmi, xavfsizlik profili va qo‘llash ko‘rsatmalari bo‘yicha tahlil qilindi. Shu bilan birga, zamonaviy ilmiy izlanishlar uzoq muddatli natijalarni yaxshilashga qaratilgan.</jats:p>