Abstract
<jats:p>Ushbu tadqiqot belbog‘li kurash sport turi bo‘yicha 15-17 yoshdagi yoshlarning tayyorgarligini takomillashtirishda jismoniy va taktik komponentlarni integratsiyasining samaradorligini o‘rganishga qaratilgan. Tadqiqotda 30 nafar yosh kurashchi ishtirok etdi. Ular ikkita guruhga - eksperimental (n=15) va nazorat (n=15) - bo‘lib, eksperimental guruhda jismoniy va taktik mashqlar integratsiyalangan dastur asosida mashg‘ulotlar o‘tkazildi. Natijalar shuni ko‘rsatdiki, integratsiyalangan dastur jismoniy tayyorgarlik ko‘rsatkichlarini (kuch, tezlik, chidamlilik) ham, taktik fikrlash qobiliyatini ham ancha yaxshilagan. Olingan ma'lumotlar belbog‘li kurashda yosh sportchilarni tayyorlashda jismoniy va taktik komponentlarni birlashtirishning samarali ekanligini tasdiqlaydi</jats:p>