Abstract
<jats:p>Ushbu maqolada ko‘p millatli tibbiy muhit sharoitida bo‘lajak hamshiralarning kommunikativ kompetensiyalarini rivojlantirishning mazmuni, tarkibiy komponentlari, bosqichlari va pedagogik tamoyillari ilmiy jihatdan yoritiladi. Globallashuv, migratsiya jarayonlari va jamiyatning madaniy rang-barangligi sog‘liqni saqlash tizimida bemorlar bilan samarali muloqotni tashkil etishni dolzarb masalaga aylantirmoqda. Tadqiqotda kommunikativ kompetensiya lingvistik, ijtimoiy-kommunikativ, madaniyatlararo va emotsional (empatik) komponentlardan iborat integrativ kasbiy sifat sifatida asoslanadi. Shuningdek, rol o‘yinlari, simulyatsion mashg‘ulotlar, refleksiv tahlil va klinik amaliyotga integratsiyalashgan pedagogik yondashuvlar kommunikativ tayyorgarlikni samarali rivojlantirish vositasi ekanligi ko‘rsatib beriladi. Tadqiqot natijalari ko‘p millatli muhitda samarali faoliyat yurita oladigan, yuqori kommunikativ madaniyatga ega bo‘lajak hamshiralarni tayyorlash zarurligini ilmiy jihatdan tasdiqlaydi.</jats:p>