Abstract
<jats:p>Mazkur tadqiqot kasbiy yo‘naltirilgan chet tilini o‘rganish jarayonida maxsus leksik birliklarni egallash bilan bog‘liq qiyinchiliklarni aniqlash va ularni bartaraf etish yo‘llarini ishlab chiqishga qaratilgan. Tadqiqot davomida diagnostik test, so‘rovnoma va kuzatish metodlaridan foydalanildi. Tahlillar natijasida semantik noaniqlik, lingvistik interferensiya, kontekst yetishmasligi hamda metodik yondashuvlarning yetarli darajada integratsiyalashmaganligi asosiy omillar sifatida aniqlandi. Tajriba-sinov mashg‘ulotlari asosida integrativ, kommunikativ va loyiha asosidagi texnologiyalar samaradorligi isbotlandi. Olingan natijalar maxsus fanlar bilan uyg‘unlashtirilgan holda leksik kompetensiyani shakllantirish mexanizmlarini takomillashtirish zaruratini ko‘rsatadi. Tadqiqot xulosalari oliy ta’lim muassasalarida kasbiy kommunikativ kompetensiyani rivojlantirishga xizmat qiladi.</jats:p>