Abstract
<jats:p>Ushbu maqolada Shoxruh Mirzo hukmronligi davri O‘zbek madaniyati va san’ati tarixida o‘ziga xos, muhim davr hisoblanadi. Bu davrda san’at sohasida ko‘plab yangiliklar yuzaga kelgan, ijodiy jarayonlar yangi yo‘nalishlar bilan boyigan. Shoxruh Mirzo o‘z hukmronligi davomida san’atkorlarga katta e’tibor qaratgan, ularning ijodini qo‘llab-quvvatlash orqali madaniyat va badiiy ijodning rivojlanishiga turtki bergan. Uning hukmronligida san’at ko‘p qirralilik kasb etgan; musiqa, adabiyot va tasviriy san’at sohalarida o‘ziga xos uslub va estetik tamoyillar shakllangan. Shoxruh Mirzo davrida ijodkorlar yangi mavzularni o‘rganish va xalq hayotining turli qirralarini san’atda ifodalash imkoniga ega bo‘lgan. Shu bilan birga, adabiy asarlar va badiiy ijod nafaqat estetik zavq bag‘ishlagan, balki jamiyatdagi ijtimoiy, siyosiy va ma’naviy masalalarni yoritishga ham xizmat qilgan. Shoxruh Mirzo hukmronligi davridagi san’atning yana bir o‘ziga xos jihati – uning xalq madaniyati bilan uyg‘unligi. San’at asarlari oddiy odamlarning hayotini, urf-odatlarini, mehnat va ma’naviy qadriyatlarini aks ettirgan. Bu davr san’ati nafaqat badiiy ifoda, balki tarixiy va madaniy meros sifatida ham ahamiyat kasb etgan.</jats:p>