Abstract
<jats:p>Mazkur tezisda investitsiyalarni fond bozori orqali jalb qilishning nazariy asoslari va amaliy istiqbollari tahlil qilingan. Global iqtisodiy integratsiya sharoitida kapital bozorining rivojlanishi iqtisodiy o‘sish va moliyaviy barqarorlikni ta’minlovchi muhim omil sifatida namoyon bo‘lmoqda. Tadqiqotda fond bozorining investitsion jozibadorlikka ta’siri, kapitallashuv darajasi, yashil obligatsiyalar emissiyasi, raqamli moliya instrumentlari hamda Ekologik, ijtimoiy va boshqaruv (ESG) tamoyillarining ahamiyati o‘rganildi.Tahlillar shuni ko‘rsatadiki, fond bozori infratuzilmasini modernizatsiya qilish, korporativ boshqaruvni takomillashtirish va investorlar huquqlarini himoya qilish mexanizmlarini kuchaytirish investitsion oqimlarni oshirishga xizmat qiladi. Shuningdek, raqamli moliyaviy texnologiyalar va yashil moliya instrumentlarini joriy etish kapital bozorining samaradorligini oshiradi hamda iqtisodiy diversifikatsiyani ta’minlaydi.Xulosa sifatida, fond bozorini rivojlantirish investitsiyalarni jalb qilishning barqaror va istiqbolli mexanizmi ekanligi asoslab berildi hamda mazkur yo‘nalishda amaliy taklif va tavsiyalar ishlab chiqildi.</jats:p>