Abstract
<jats:p> Mazkur maqolada O‘zbekistonda ichki valyuta bozorining 2025- yil yakunlari bo‘yicha transformatsiyasi va uning makroiqtisodiy barqarorlikka ta’siri kompleks tahlil qilinadi. Tadqiqotda valyuta talab-taklifi dinamikasi, yuridik va jismoniy shaxslar segmentidagi operatsion faollik, almashuv kursining tebranuvchanligi, pul o‘tkazmalari, dollarlashuv darajasi hamda milliy valyutadagi depozitlarning o‘sishi indikatorlari asosida baholash amalga oshirildi. Natijalar valyuta taklifi o‘sishining talabdan yuqori shakllangani, pul o‘tkazmalari oqimlarining ichki bozor likvidligini qo‘llab-quvvatlagani, kurs shakllanishida bozor mexanizmlari chuqurlashgani hamda so‘m aktivlari jozibadorligining ortgani bilan izohlanadi. Shu bilan birga, tebranuvchanlikning kengroq diapazonda shakllanishi moslashuvchan kurs rejimi sharoitida normal bozor moslashuvi sifatida talqin qilinadi. Yakunda valyuta bozori barqarorligini mustahkamlash, dedollarlashuvni jadallashtirish va kommunikatsion siyosatni kuchaytirishga qaratilgan amaliy tavsiyalar ishlab chiqildi </jats:p>