Abstract
<jats:p>Долзарблиги. Травматик оптик нейропатия (ТОН) - «жароҳатдан сўнг кўрув нервининг бевосита ёки билвосита шикастланиши натижасида кўрув функцияларининг бузилиши». Тадқиқот мақсади. Травматик оптик нейропатияни анъанавий консерватив даволаш усулига магнитли ва рангли стимуляцияни қўшиб даволаш самарадорлигини электрофизиологик кўрсатгичларни таҳлил қилиш асосида аниқлаш. Материал ва усуллар. ТОН ташҳиси аниқланган 56 нафар беморда (60 кўз) анъанавий консерватив даво муолажалири билан биргаликда магнитли ва рангли стимуляция ўтказилди. Барча гуруҳ беморларида даволашгача, даволашдан кейин 1, 3 ва 6 ойдан кейин кўрув функциялари аниқланди. Бунда умумий офтальмологик текширув усуллари ва электроретинографиядан фойдаланилди. Натижалар. Иккала асосий гурухда даволашдан кейинги кўрув аъзолари функционал холати яхшиланди ва 6 ой давомида сақланиб қолди. Назорат гуруҳида эришилган натижалар 1 ойдан кейин пасая бошлади ва 6 ойга келиб дастлабки натижаларга яқинлашди. Хулоса. ТОН ни даволашда стандарт консерватив даво муолажаларини физиотерапевтик даво муолажалари (магнитли ва рангли стимуляция) билан биргаликда қўлланилиши ушбу касалликнинг анъанавий даволашга нисбатан афзалликларга эга.</jats:p>