Abstract
<jats:p>Долзарблиги. Оптик нейропатия кўрув нервининг дисфункцияси билан кечувчи, кеч ташхисланувчи, кўпгина холларда даволашнинг самарасизлиги туфайли атрофия билан якунланувчи [11], интенсив ривожланувчи дегенератив касалликлар сирасига киради [12]. Мақсади. Тадқиқот мақсади дисциркулятор энцефалопатияси бўлган беморларда оптик нейропатиянинг кечишида ўзига хос бўлган клиник белгиларни тавсифлашдан иборат. Материал ва услублар. 2022‑йил давомида Самарқанд шахар клиник шифохонасининг нейрохирургия бўлимида фақатгина дисциркулятор энцефалопатия ва бош миянинг бошқа касалликлари билан биргаликда кечаётган дисциркулятор энцефалопатия ташҳиси билан нейроофтальмологик симптоматика эга 50 нафар (100 та кўз) беморлар ташхисга мос равишда тенг миқдорда 2 гуруҳга бўлиниб тадқиқотга жалб этилди. Барча беморларда кўриш ўткирлиги, компютер периметрия каби текширув усуллари ўтказилди. Ўртача койка куни 12±3 кунни ташкил этди. Натижалар. Кўриш ўткирлигининг тикланиши II асосий гуруҳда I гуруҳга қараганда 1,3 мартага юқори натижаларни қайд этди. Бироқ компютер периметриясида бу беморларда кўрув майдонининг торайиши сезиларли ўзгаришсиз қолган. I гуруҳда илк даврларда тўр парда сезувчанлиги ўртача 19,4±2,4 Дбни, II гуруҳда 15,7±3,9 Дбни кўрсатди. Даво сўнгида юқоридаги кўрсаткичларга мос равишда натижалар 21,3±1,8 Дбни, 17,4±5,2 Дбни ташкил этди. Кўрув майдонининг ортиши I гуруҳда 1,32; II гуруҳда 1,11 марта бўлган. Хулоса. Нейровизуал текширув усулларида бош мияда яққол ўзгаришлар бўлмай туриб, офтальмопатологик клиник белгиларни эрта аниқлашда компютер периметриясининг тутган ўрни мухимлиги яна бир бор исботланди.</jats:p>