Abstract
<jats:p>Бул макалада башталгыч класстардын адабий окуу сабагында Чыңгыз Айтматовдун “Улуу манасчы – Саякбай Каралаев” аттуу эскерүүсүн окутуу аркылуу окуучулардын этномаданий компетенттүүлүгүн калыптандыруу маселеси каралат. Изилдөөдө этномаданий компетенттүүлүктүн мазмуну, анын түзүлүшү жана аны калыптандыруунун педагогикалык шарттары талданат. Адабий тексттердин тарбиялык мүмкүнчүлүктөрү ачылып, манасчылык өнөрдүн окуучулардын руханий дүйнөсүнө тийгизген таасири негизделет. К.Момбекова атындагы мектептин 4-А жана 4-В класстарында жүргүзүлгөн педагогикалык эксперименттин жыйынтыктары берилет. Эксперименттик топто интерактивдүү, чыгармачылык жана баалуулукка багытталган ыкмалар колдонулуп, окуучулардын улуттук маданиятка болгон кызыгуусу жана билим деңгээли жогорулаганы аныкталган. Ал эми контролдук топто салттуу ыкмалар колдонулуп, олуттуу өзгөрүүлөр байкалган эмес. Изилдөөнүн жыйынтыгы адабий окуу сабагында этномаданий багыттагы иштерди системалуу жүргүзүүнүн маанисин көрсөтөт.</jats:p>