Տեղ գյուղի մելիքական ապարանքի ճարտարապետական վերլուծություն․ վերականգնման առաջարկվող տարբերակ

<jats:p>Հայկական միջնադարյան ճարտարապետության մեջ իր ուրույն տեղն ունի աշխարհիկ ճարտարապետությունը, որտեղ կարևոր դեր են խաղում ուշ միջնադարյան ամարաթները կամ մելիքական ապարանքները։ Հետազոտությունը ներառում է ՀՀ Սյունիքի մարզի Տեղ գյուղի Մելիք-Բարխուդարի որդի Դավիթ Բեկի մելիքական ապարանքի հատակագծային, ծավալատա­րա­ծական և կառուցվածքային համեմատական վերլուծություններ։ Նշված կառույցի առանձնա­հատ­կությունները  համեմատվել են Արցախ և Սյունիք նահանգների, նախկին մելիքական նստա­վայրերում պահպանված, 15-18-րդ դդ. պալատ–ամրոցների հետ։ Քննության են առնվել նաև նմա­նատիպ կառույցների համաչափությունները, ճարտարապետական փոքր ձևերը (բուխարիներ, պատուհաններ, խորշեր, զարդարարական հարդարանքներ)։ Այս կառույցների պահպանու­թյունն ու վերականգնումը, առանձնահատուկ ուշադրություն դարձնելն ու ինքնատիպ միջա­մտու­թյուններ իրականացնելը ներկայումս կարևոր հրամայական է, քանի որ դրանք լուռ ապա­ցույցն են սյունեցիների բնիկության, ինչպես նաև՝ հայոց ինքնիշխանության ձգտման անկոտրում կամքի։ Հետազոտության նպատակն է ՀՀ Սյունիքի մարզի Տեղ գյուղի Դավիթ Բեկի մելիքական ապարանքի ուսումնասիրությունը, վերլուծությունն ու ամրակայումը, ինչպես նաև դրա մշա­կու­թային և պատմական արժեքի վերաարժևորումը։ Կատարված համալիր ուսումնասի­րու­թյուն­ների արդյունքներով մշակվել են կառույցի վերականգնման և շարունակական վերա­ար­ժևորման նպատակային առաջարկներ։</jats:p>