Abstract
<jats:p>Мақолада Хива туманида ичимлик суви таъминотининг ҳозирги ҳолати таҳлил қилиниб, ичимлик суви сифати, ишончлилиги ва аҳолининг ундан фойдаланиш имкониятларига таъсир кўрсатувчи асосий муаммолар аниқланган. Тадқиқот доирасида эскирган сув таъминоти инфратузилмаси, ерости сувлари манбаларида минерализация ва ифлосланишнинг юқори даражаси, сув босимининг пастлиги, сувни етказиб беришнинг тартибсиз жадваллари, шунингдек, тозалаш ва дезинфекция жараёнларининг етарли эмаслиги каби омиллар кўриб чиқилади. Паст сифатли ичимлик сувининг ижтимоий-иқтисодий оқибатлари, жумладан аҳоли саломатлиги ва турмуш даражасига салбий таъсири муҳокама қилинади. Дала кузатувлари, статистик маълумотлар асосида ичимлик суви таъминотини яхшилаш бўйича амалий чора-тадбирлар мажмуи таклиф этилади. Тавсия этилган чора-тадбирлар Хива туманида барча аҳолининг сифатли ичимлик сувидан хавфсиз, барқарор ва узлуксиз фойдаланишини таъминлашга қаратилган.</jats:p>