Abstract
<jats:p>Ushbu fundamental va keng qamrovli monografik ilmiy maqolada Yangi O‘zbekistonda Uchinchi Renessans poydevorini yaratish va ma’rifatli jamiyat barpo etish strategik jarayonida tasviriy va amaliy san’atning tutgan o‘rni hamda chuqur ijtimoiy-falsafiy ahamiyati har tomonlama tadqiq qilingan. Ma’rifatli jamiyat tushunchasi tizimli, gnoseologik, ontologik va sinergetik yondashuvlar asosida tahlil etilib, uning faqatgina intellektual va iqtisodiy salohiyat emas, balki jamiyat a’zolarining estetik ongi, madaniy identifikatsiyasi hamda milliy o‘zlikni anglash darajasi bilan uzviy bog‘liqligi falsafiy jihatdan asoslangan. Muallif milliy tasviriy va amaliy san’at namunalarining ijtimoiy ong transformatsiyasidagi, yoshlar ma’naviyatini yuksaltirishdagi hamda mafkuraviy immunitetni kuchaytirishdagi funksiyalarini gumanistik prinsiplar va vizual ekologiya qonuniyatlari asosida ochib beradi. Maqolada globallashuv davridagi vizual tahdidlar, ommaviy madaniyat inqirozi, simulyakrlar muammosi va ularga qarshi milliy san’at vositasida g‘oyaviy-mafkuraviy qalqon shakllantirish masalalari xorijiy va o‘zbekistonlik yetakchi olimlar qarashlari sintezi asosida keng yoritilgan hamda oliy ta’lim tizimida, xususan Farg‘ona davlat universiteti tajribasida badiiy ta’limni rivojlantirish bo‘yicha ijtimoiy-falsafiy tavsiyalar majmuasi ishlab chiqilgan.</jats:p>