Máis alá do manifesto

<jats:p>Discurso lido no acto da súa recepción, pola excelentísima señora dona Kathleen Nora March e resposta da excelentísima señora dona Rosario Álvarez Blanco. O solemne acto académico en que foron lidos os dous discursos recolleitos no presente volume celebrouse o día 23 de setembro de 2023 no auditorio Infanta Isabel do Balneario de Mondariz. Kathleen Nora March, investigadora, ensaísta, crítica, tradutora, narradora, poeta e mestra, reflexiona sobre o que significa o acto da tradución, a súa importancia para a proxección da literatura galega e as posibilidades que brinda ir máis alá da tradución clásica apostando pola multimodalidade a través do teatro ou os audiolibros.</jats:p>